Классикалық Mazda MX-5 электромобильге айналды

Британияның Electrogenic ательесі бірінші буындағы Mazda MX-5 родстерін электр жетекке өзгертетін комплект әзірледі. Спорткардың қуаты артты, бірақ салмағы аса ауырлаған жоқ. Комплект родстерді кез келген уақытта әдеттегі іштен жанатын қозғалтқышқа қайтаруға болатындай етіп жасалған.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

MX-5-ке арналған электромотор 163 ат күші мен 310 Нм береді. Яғни спорткардың қуаты 45 күш пен 170 Нм артты, соның арқасында машина алғашқы жүздікті үш секундта еңсереді. Сыйымдылығы 42 киловатт батареяның арқасында жүріс қоры 240 шақырымға жетеді.

1 / 5

• 
• 
• 
• 
• 

1 / 5

MX-5-ті танымал еткен басқару мүмкіндігі өзгермейді, өйткені комплект осьтерге бөлінген салмаққа әсер етпейді. Спорткардың салмағы 100 келі артады. Сондай-ақ бірнеше жүріс режимі болады.

Electrogenic компьютерлік модельдеуді қолдана отырып электр жүйесін орнату әдісін әзірледі. Бұл спорткардың электр жетекке ауысуын жеңілдетумен қатар, машинаны бұрынғы қалпына қайтаруға мүмкіндік береді. Иесі қаласа электромотордан бас тартып, зауыт қозғалтқышын қалпына келтіре алады. Комплект бағасы шамамен 20 000 доллар болады, бұл жағдайы жақсы бірінші буындағы Mazda MX-5 бағасымен бірдей.