Мюнхен автосалонындағы конференция аясында Mercedes-Benz алғаш рет baby-G деп аталатын «кішкентай «гелендвагеннің» суретін көрсетті. Autocar басылымына берген сұхбатында бренд өкілдері жаңа көлік жол жоқ жерде үлкен G-кластан кем түспейтінін айтты, себебі ол арнайы рамалы платформа алған.
Жалғыз суретте автомобильдің Mercedes-Benz G-класпен салыстырғандағы өлшемі көрінеді. Топ-менеджерлердің сөзінше шағын жол талғамайтын көлік сырттай үлкен нұсқадан аумайды, тек ұсақ-түйек бөлшектерінде айырмашылық болады.
Техникалық директор Маркус Шефер baby-G толыққанды бірегей модель болуы үшін инженерлер жаңа платформа жасады деді. Машинаның кішкентай рамалы шассиі құрылым жағынан «гелендвагенге» қатты ұқсағанмен,аспасы мен дөңгелек өлшемдері басқаша. Ықшам «гелик» көптеген ерекше компоненттер алады.
Томас Шефер мотор гаммасына қатысты толық ақпарат бермеді, бірақ басылым дерегінше baby-G тек электрокар ретінде сатылады. Mercedes-Benz басшысы Ола Каллениус жақында сынақ прототиптері жалпы жолға шығатынын айтты.
Комментариев: 0