Кинодағы Формула-1 командасына арналған Mercedes AMG GT

Mercedes-AMG GT купесінің APXGP Edition деп аталатын арнайы нұсқасы шығады. Эксклюзивті суперкар Брэд Питт басты рөлді сомдайтын жаңа F1 фильмін жарнамалауға арналған. Купенің небәрі 52 данасы жарық көреді. Блокбастердің тұсаукесері 25 маусымға жоспарланған.

F1 фильмі Apex GP командасына көмектесу үшін жарыс жолына қайта шыққан автоспорт ардагері туралы баяндайды. Түсірілімнің бір бөлігі нағыз жарыс трассасында шынайы Гран-при кезінде өтті, картина шынайы шығу үшін киногерлерге AMG Petronas командасының мамандары мен Льюис Хэмилтон көмектесті. Сондай-ақ түсірілімге SL, «Гелендваген» сияқты қарапайым машиналар қатысты.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

GT арнайы нұсқасының шанағы мен интерьері өзгеше болады. Ол экранда Брэд Питт мінетін болид дизайнымен бірдей стильде жасалған. Мысалы, купенің күңгірт қара түсі алтын түстес қосымша және аэродинамикалық элементтермен үйлесіп тұр. Купе бортындағы мәре жалауының символдық бейнесі де сары түске боялған. Интерьері қара-алтын түстес реңкпен әрленген.

APXGP Edition карбон-керамика тежеуіш және көмірпластиктен жасалған бастырық детальдерді қамтитын антихромды пакетпен ерекешеленеді. Техникалық жағында өзгеріс жоқ: эксклюзив Mercedes-AMG GT 585 ат күшіне ие 4 литрлік V8 моторымен жүреді. Бағасы қазірше белгісіз.