Компания Қазақстанда Soluto седанын сата бастады. Машина біздің нарықта тек автоматпен жұптасқан бір қозғалтқышпен саудаланады.
Ұзындығы — 4.3 метр, дөңгелек базасы — 2.57 метр. Жүксалғыш көлемі — 475 литр. Седан 95 ат күшін (132 Нм) беретін 1.4 литрлік атмосфералық қозғалтқыш және автомат қораппен жүреді. Ең жоғары жылдамдығы — 180 км/сағ.
Soluto екі комплектацияда шығады. Бағасы — 7 990 000 және 8 490 000 теңге. Одан ірі әрі қуатты Chevrolet Cobalt шамамен 2 000 000 теңге арзан.
Базалық комплектацияға екі қауіпсіздік жастығы, 14 дюймдік дөңгелек, дискілі тежеуіш және айна мен алдыңғы орындықтарды жылытқыш кіреді. Салоны матамен қапталған, жасанды былғары рөл мен селектор тұтқасында ғана болады. Кондиционер бар. Цифрлық аспаптар панелі жоқ, тек 2.8 дюймдік борттық компьютер экраны тұр. Медиакешеннің өлшемі — 7 дюйм, ол артқы камера, алты динамикпен жабдықталған және Apple CarPlay және Android Auto жүйесімен жұмыс істейді.
Жүргізуші ассистенттері ABS және ESC, дөңге шыққанда көмек беретін жүйе, шина қысымын бақылайтын сезгек және артқы парктрониктен тұрады.
Қымбат түрленімі 14 дюймдік құйма диск және экобылғарымен қапталған салонымен ерекшеленеді.
Бренд
Комментариев: 0