Kia-ның жаңа электромобильдері — сериялық EV4 және EV2 концептісі

Ақпанның ортасында Kia седан және хетчбек шанағындағы жаңа EV4-тің алғашқы суреттерін көрсетіп, EV2 индексті арзан батареялы концептіні шығаруға да уәде берген. 27 ақпанда ресми тұсаукесер өтті.

Kia EV4

Футуристік стильдегі EV4 седаны EV3 және EV5 модельдеріне ұқсайды. Ұзындығы — 4730 мм, дөңгелек базасы — 2820 мм, ені — 1860 мм, биіктігі — 1480 мм. Хетчбек 300 мм қысқа және 5 мм биік. Төрт есікті нұсқаның жүксалғыш көлемі — 490 литр, хетчбэктікі — 435 литр.

1 / 7

• 
• 
• 
• 
• 
• 
• 

1 / 7

Салоны жалпақ екі шабақты рөл және екі 12.3 дюймдік дисплейден тұратын үлкен планшетпен ерекшеленеді. Ортасындағы 5.3 дюймдік шағын экран көмегімен климатты басқаруға болады.

1 / 9

• 
• 
• 
• 
• 
• 
• 
• 
• 

1 / 9

EV4 моделі E-GMP платформасына негізделген. Автомобиль алдыңғы осьтегі 201 ат күшіне ие электрлі қозғалтқышпен және сыйымдылығы 58.3 немесе 81.4 кВт·сағ батареямен жүреді. Кіші аккумулятормен көлік 430 км, үлкенімен 630 км еңсереді. Хетчбектің жүріс қоры 410 және 590 шақырымға жетеді. Жылдам қуаттау станциясында батареясын 10-нан 80 %-ға дейін толтыруға 29 минут кетеді.

EV4 седанының басты нарығы Оңтүстік Корея болады әрі сол жерде жасалады. Наурызда саудаға шыға бастайды. Бренд хетчті әзірге тек Еуропаға арналған эксклюзив модель ретінде ұсынады. Словакияда жасалатын машина 2025 жылдың екінші жартысында дилерлердің қолына түседі.

Kia EV2

Шағын әрі арзан EV2 әзірге концепт. Оның сериялық нұсқасы келер жылы жарық көреді және ең алдымен Еуропа нарығына бағытталады.

1 / 5

• 
• 
• 
• 
• 

1 / 5

Компания EV2-нің техникалық сипаттамасын әлі жариялаған жоқ, бірақ оның өлшемдері мен бірқатар ерекшелігі белгілі. Ұзындығы — 4300 мм, дөңгелек базасы — 2680 мм, ені — 1850 мм, биіктігі — 1560 мм.

1 / 7

• 
• 
• 
• 
• 
• 
• 

1 / 7

Концептінің басты ерекшеліктеріне панорамалы шатыр, алдыңғы есіктердегі алынбалы динамиктер (оларды портативті колонка ретінде пайдалануға болады) кіреді. Екінші қатардағы диванды бүктегенде алдыңғы орындық барынша артқа жылжиды. Алайда бұлардың қайсысы сериялық модельде болатыны әлі белгісіз.