Kia K8 Қазақстанда қанша тұрады

Қазақстанда құрастырылған Kia K8 ресми саудаға шықты. Седан 2021 жылы жарық көрген, ол біздің нарықта Cadenza деп аталатын Kia K7-нің орнын басты. Автомобиль Hyundai Grandeur-мен бір платформаны бөліседі, алдында McPherson тіреуі, артында көп иінтіректі аспа бар. K8 Қазақстанда 3.5 литрлік V6-мен жүреді. 300 ат күшіне ие мотор 8 сатылы автоматпен жұптаса жұмыс істейді.

1 / 10

• 
• 
• 
• 
• 
• 
• 
• 
• 
• 

1 / 10

Kia K8 біздің елде Prestige және Premium деп аталатын екі комплектацияда сатылады.

Арзанырақ нұсқасы 22 млн теңге тұрады. Жабдықтар тізіміне автоматты тежеу, жолақта ұстау, көрінбейтін аймақты бақылау, круиз-бақылау, артқы көрініс камерасы және шина қысымын бақылауды қамтитын электронды көмекшілер жинағы кіреді. Сондай-ақ машинада кілтсіз ашу жүйесі, екі аймақты климат-бақылау, электрлі реттелетін және жылытуға болатын алдыңғы кресло, 8 дюймдік экраны бар, Apple CarPlay және Android Auto-мен жұмыс істейтін медиажүйе, атмосфералық жарық және т.б. бар. Салоны былғарымен қапталған.

1 / 4

• 
• 
• 
• 

1 / 4

Үздік Premium нұсқасын 25 млн теңгеге алуға болады. Марка мұндай машинаны жылытуға болатын артқы орындықтар, панорамалы шатыр, интеллектуалды круиз-бақылау, проекциялық дисплей және жақсарған автоматты тежеу жүйесімен жабдықтаған. Салонын қымбатырақ Nappa былғарысымен сәндепті.