Компания АҚШ-тағы 2 литрлік қозғалтқышы бар 137 256 Seltos және Soul модельдеріне сервистік кампания жариялады. Өндіріс барысында ақаулы поршень сақиналары қолданылғаны анықталды, бұл мотордың қарысып қалуына немесе өртке себеп болуы мүмкін. Kia бұл мәселе агрегатты ауыстыру арқылы ғана шешіледі дейді.
Бренд мұны былтыр қыркүйекте түскен шағымдардан білді.409 расталған және осы мәселемен байланысты болуы мүмкін 400 жуық жағдай тіркелген. Компания осындай ақаудың салдарынан қозғалтқыш бөлімі өртенген төрт Soul туралы біледі.
Ішкі тергеу барысында мамандар ақаулы поршень сақиналары цилиндр қабырғаларын зақымдайтынын анықтады. Ақаудың белгісі — май жеу, бірақ қозғалтқыш қарысып қалуы да ықтимал. Ақау уақытында жойылмаса, цилиндр қабырғаларында саңылау пайда болады. Май саңылау арқылы қызып тұрған газ шығару жүйесіне түсіп, өрт шығады.
Сервистік кампания 2021–2023 жылдары шыққан Kia Seltos және Soul модельдерін қамтиды. 83 621 дана Soul және 53 635 дана Seltos жөндеуді қажет етеді. Басқа нарықтардағы көліктерде осындай мәселе бар ма, жоқ па, бұл жөнінде компания әзірге нақты ақпарат бермеді.
Комментариев: 0