Компания жаңа кроссоверге арналған күштік құрылымды Toyota-мен бірлесіп әзірледі.
||1350
Авторы: Манас Иксанов
2028 жылы нарыққа шығатын X5-тің бесінші буыны бұрын-соңды болмаған мотор алады. Бренд клиенттерге іштен жанатын қозғалтқыш, қосылатын гибрид және толық электрлі түрленіммен бірге бактағы сутегі мен атмосфералық оттегінің химиялық реакциясынан ток өндіретін генераторы бар FCEV модификациясын ұсынады.
BMW iX5 Hydrogen
BMW 2024 жылғы iX5 Hydrogen атты сынақ экземплярының 100 данасына осындай агрегат орнатқан. Қазіргі мотор Toyota-мен бірге жасалған құрылымның үшінші буыны. Жапон компаниясы АҚШ-тағы сутекті Mirai седанының сәтсіздігіне қарамастан FCEV технологиясынан бас тартпады.
BMW де бұл қондырғының болашағы зор деп есептейді, өйткені олардың ойынша бұл нағыз технологиялық жетістік. iX5 Hydrogen-мен салыстырғанда жаңа қозғалтқыш шамамен 25 % ықшам әрі қуатты, фирмалық CLAR архитектурасын қосқанда түрлі платформаға жақсырақ бейімделеді.
Жаңа X5-тің прототипі
Autocar басылымы хабарлағандай, жаңа X5-тің алғашқы прототиптері BMW-ның Дингольфингтегі зауытында жасалады. Отын элементтер блогын Аустрияның Штайр қаласындағы BMW Group кәсіпорны шығарады, қазір бренд онда өндірістік желі мен сынақ жабдықтарын орнатып жатыр. Сутекті қозғалтқышқа арналған жоғары вольтты BMW Energy Master басқару блогы сияқты FCEV-дің басқа компоненттерін Германиядағы Ландсхут зауыты өндіреді.
BMW X5 Hydrogen тек отын инфрақұрылымы бар елдерде саудаланады, ал ондай мемлекеттердің саны өте аз.
Комментариев: 0