Қала және облыс әкімдіктері эпидемиологиялық ахуалға байланысты карантиннің аяқталу мерзіміне қатысты шешім қабылдады.
Нәтижесінде вирустың таралуына қатысты жағдай реттелгенге дейін (нақты мерзімі белгіленбеді) Нұр-сұлтан, Алматы қалалары мен Алматы, Ақтөбе, Қызылорда, Қостанай, Павлодар және Солтүстік Қазақстан облыстарында карантин мерзімі ұзартылды.
Елдегі эпидемиологиялық ахуал жақсарса, Ақмола, Жамбыл және Қарағанды облыстарында карантин біртіндеп алынады.
Шымкент қаласы мен Атырау, Батыс Қазақстан, Маңғыстау және Түркістан облыстарында карантин режимі 25 мамырға дейін ұзартылды.
Шығыс Қазақстандағы шектеулер 1 маусымға дейін күшінде болады.
Естеріңізге сала кетейік, 11 мамырда төтенше жағдай режимі аяқталды, бірақ карантин әлі күшінде және еліміз одан кезең-кезеңімен шығады.
Комментариев: 0