Федерация кеңесінде КАМАЗ бас директорының орынбасары Максим Матасов компания қиын жағдайға тап болғанын баяндады. 2025 жылдың алғашқы төрт айындағы сауда былтырғы сәйкес кезеңмен салыстырғанда 48 % төмендеген, бұл көрсеткіш алда жоғарылай қоюы екіталай. Сондықтан компания биылғы өндіріс жоспарын қайта қарауға мәжбүр болып отыр.
Автогигант өкілі Азиядан келген арзан көліктердің қысымына ұшырағанын мойындады. Бұдан өзге де жағымсыз факторлар бар, атап айтқанда, инфляция 10 % өсіп, несие мен лизинг мөлшерлемесіне 30 % қосылған, шетелдік инвестиция тарту мүмкін емес, өзге елмен сауда жасау, компонент әкелу де өте қиын. Бұл туралы «Бизнес-online» хабарлады.
КАМАЗ шұғыл қолдау шарасы ретінде бюджетте көзделген
«Урал» зауытының өкілі Тарас Шевченко заң шығарушыларды мемлекеттен келісімшарт алып жол жөндейтін мердігерлерді ресейлік техника сатып алуға міндеттеу немесе шыққанына 15 жылдан асқан машинаның салығын көбейтіп, ескі автомобильді қайта тіркеуді шектеу сияқты шаралар қолданып, отандық өнімді қолдауға шақырды.
Бұған дейін мемлекеттік дума 2026 жылдан бастап таксопарктер тек Ресейде шыққан машина сатып алу керек деген ереже енгізген, каршеринг қызметіне де осы шектеу әсер етеді. Ал АВТОВАЗ бен Ресей өнеркәсіп министрлігі ішкі нарықтағы сұранысты арттыру үшін Lada сатып алатындарға жеңілдік беру мәселесін талқылап жатыр.
Комментариев: 0