Jetour жаңа Zongheng суббрендін таныстырды

Chery концерніне кіретін Jetour бренді өзінің Zongheng атты суббрендін құрды. Мұнымен Jetour сәнді жол талғамайтын көліктерді жеке топтамаға бөлуді жоспарлап отыр. Алғашқы G700 индексті гибридтің саудасы биыл III тоқсанда басталады.

1 / 9

У Jetour появился суббренд Zongheng для премиальных внедорожников

Zongheng G700

1 / 9

Zongheng модельдері екі түрлі күштік құрылыммен жабдықталады. Біріншісі — қуатталатын CDM-O гибриді. Оған 211 ат күшіне ие 2 литрлік төрт цилиндрлі агрегат пен алдыңғы және артқы осьте 286 және 408 ат күшін беретін екі электромотор кіреді. Екіншісі — тізбекті схема бойынша жасалған CEM-O гибриді. Бұның электрлі қозғалтқыштарының жалпы қуаты 1631 ат күшіне тең және іштен жанатын агрегаттан (211 а.к.) энергия алады.

Екеуі де 800 вольттық архитектураға негізделген, онымен батареяны 20-дан 80 %-ға дейін 6 минутта қуаттауға болады, бірақ аккумулятордың сыйымдылығы мен жүріс қоры туралы ақпарат жоқ.

1 / 9

Zongheng F700

1 / 9

CDM-O күштік құрылымын жол талғамайтын G700 мен F700 пикабы алады. Бес есікті машина компания былтыр көрсеткен Jetour T5 концептісінің сериялы түрі саналады. Ұзындығы 5170 мм болатын ірі көліктің дөңгелек базасы — 2850 мм, жол саңылауын 150-ден 350 мм-ге дейінгі аралықта реттей алатын пневмоаспасы бар. Алты орынды салоны ірі дисплей, ұзыншақ рөл және Lexicon акустикасымен толыққан. Жүргізуші көмекшілерінің жинағын Huawei жеткізеді.

1 / 6

Zongheng G900

1 / 6

G700 платформасына негізделген пикап сериялы машина бола қоймайтын сияқты, оның дизайны өзгеше, мамандар кабинасына айқарма есік орнатқан. Бірақ топтамадағы ең оғаш модель — G900, оның сұлбасы көз үйренген көліктерге мүлде ұқсамайды, артқы бөлігі қиғаш келген, капоты созыңқы пішін алыпты. G900-дің тауар түріндегі нұсқасы CEM-O күштік құрылымын алады, ұзындығы 5.3 метрге жететін машина жүзе алады екен. Жоба авторлары шанағы су өткізбейтін гибрид сағатына 8.5 км жылдамдықпен суда 40 минут жүзе алатынына сенімді.

Суббренд өкілдері F700 бен G900 жолға қашан шығатынын айтпады, болжамды бағасы да белгісіз.

Комментариев: 0