Jetour жаңа гибрид кроссоверін көрсетті

Jetour брендінің Қытайдағы гибрид кроссоверлер топтамасы жаңа Shanhai L7 Plus моделімен толықты. Бұл — жергілікті нарықта сатылып жатқан Shanhai L7-нің сырт келбеті өзгерген, салоны кең, жүріс қоры 1500 шақырымға жететін нұсқасы. Кроссовер тамыздың екінші жартысында шығады.

Plus түрленімі жаңа экстерьер алды. Автомобиль әлдеқайда ұстамды көрінеді, бүйіріндегі бедері енді жоқ, шатыр сызығы көлденең орналасқан. L7 Plus заманауи Kia көліктерінің оптикасына ұқсайтын жарық техникасымен жабдықталған.

1 / 10

• 
• 
• 
• 
• 
• 
• 
• 
• 
• 

1 / 10

Өлшемдері — 4810×1930×1705 мм, дөңгелек базасы — 2820 мм. Жүксалғыш көлемі — 1708 литр. L7 Plus қарапайым L7-ден үлкен, мысалы, ось арасындағы қашықтығы 75 мм артқан. Салонын үш қатарлы қылуға болады, бес орынды нұсқасы да қолжетімді. Алдыңғы панель, ортаңғы тоннель өзгерген, мультимедиа жүйесі жаңарған. 15.6 дюймдік негізгі экраны екі жаққа 10 градусқа бұрыла алады. L7 Plus-тың барлық орындығы бүктеледі.

1 / 9

• 
• 
• 
• 
• 
• 
• 
• 
• 

1 / 9

Машинаның күштік құрылымы 1.5 литрлік турбомотор мен 32.7 кВт·сағ батареядан қуат алатын электромотордан тұрады. Жалпы қуаты 360 ат күшіне (530 Нм) тең. Электр қуатымен жүріс қоры 220 шақырымға жетеді, жанармаймен 1500 км еңсереді. 100 шақырымға 5.25 литр отын тұтынады.

Jetour Қытайда бензинді X70L-ге сертификат алды. Гибрид оған сырттай ұқсағанымен, радиатор торының орнындағы тұтас панельмен ерекшеленеді. Алдын ала мәлімет бойынша базалық модификация 184 ат күшін беретін 1.5 литрлік турбомотормен жүреді. Бренд Қытайда Jetour X70L моделін X70-тің екінші буыны ретінде ұсынады және шетелге солай шығаруы ықтимал.