Jeep Wrangler-дің арнайы нұсқасы Willys-ке арналады

Jeep компаниясы Wrangler 4xe Willys ’41 Special Edition-ды таныстырды. Ұзын атауынан машина жайлы толық ақпарат білуге болады, шеберлер заманауи жол талғамайтын көлікті Екінші дүниежүзілік соғыстағы «виллиске» ұқсатып жасаған. Шынайы болу үшін бүйірлік есіктерін алып тастапты.

Мамандар ескі модель қарапайым болған деп заманауи мүмкіндіктер мен техникалық параметрден бас тартпайтыны анық: машина — 2025 жылғы модельдік топқа жататын әдеттегі Wrangler 4xe гибриді, ол екі электромотормен жұптасқан 2.0 литрлік турбомотор көмегімен қозғалады. Агрегат жалпы 375 ат күшін береді, дәстүрлі мотордың көмегінсіз 34 км жүруге болады.

1 / 5

• 
• 
• 
• 
• 

1 / 5

Сырт пішініндегі басты өзгеріс — зәйтүн түстес шанақ бояуы мен жолсызға арналған 33 дюймдік BFGoodrich All-Terrain T/A KO2 шинасы. 17 дюймдік алюминий дөңгелек дискісі де сол түске боялған.

Интерьер стилизациясы сарғыш түсті Heritage матасымен қапталған орындық, алдыңғы панеліндегі мата аралас қосымша және беріліс қорабы иінтірегіндегі ерекше медальонмен ерекшеленеді.

1 / 3

• 
• 
• 

1 / 3

Автомобиль шанақ түсімен бірдей қатты шатыр, электр жетегі бар жылжымалы Sky One-Touch жұмсақ төбесі немесе қоңыр тентпен ұсынылады. Стандарт комплектацияға болат бампер мен артқы дифференциалды бұғаттау кіреді.

Jeep Wrangler 4xe Willys ’41 Special Edition 2024 жылдың аяғында саудаға шығады, бағасы 61 825 доллардан басталады. Ал 54 ат күшіне ие карбюраторлы моторы бар түпнұсқа Willys MB сол кезде 740 доллар тұрған, бұл қазіргі ақшамен 16 мың шамасында болады.