Jeep Recon — жол талғамайтын электрокар

Jeep АҚШ-та Recon деп аталатын жаңа жол талғамайтын көлігін ұсынды. Бұл — Wrangler-дің батареялы баламасы. Recon-ның жалғыз Moab комплектациясы 65 мың доллар (33.8 млн теңге) тұрады. АҚШ пен Канадаға арналған автомобиль 2026 жылдың басында конвейерге тұрады.

1 / 16

• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 16

Jeep Recon брендтің алғашқы электрокары Wagoneer S сияқты STLA Large платформасына негізделген. Толығымен тәуелсіз аспа алды және әр осінде бір электромотор тұр. Жалпы қуаты 650 ат күшіне (840 Нм) тең, алғашқы жүздікті 3.7 секундта еңсереді. 100 киловаттық батареямен жүріс қоры 450 шақырымға жетеді.

Көліктің шанағы қырлы болғандықтан кіру және шығу бұрышы 34 және 34.5 градусты құрайды. Wrangler-ден сәл аласа. Дегенмен стандарт 33 дюймдік шинаның арқасында клиренсі — 237 мм. Аспа тірегі қатты, астын қорғайтын пластинасы бар.

Электрокар артқы дифференциалды бұғаттағыш, тартым күшін арттыратын артқы редуктор және ең қиын жағдайларға бейімделген бес режимді жүргізу электроникасымен жабдықталады. Жолсызға арналған круиз де ұмыт қалмапты. Жүргізуші асфальтта алдыңғы моторды өшірсе, электр қуатын үнемдейді.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Есіктерін арнайы құралсыз-ақ алуға болады, сол себепті динамиктердің бір бөлігі орындық астына жайғасқан. Мамандар салонына 12.3 дюймдік аспаптар панелі мен Jeep тарихындағы ең үлкен 14.5 дюймдік ортаңғы тачскрин орнатты. Uconnect 5 медиажүйесі көптеген функцияны басқарады, бірақ физикалық батырмалар қалған. Интерьері былғарыға ұқсайтын синтетикалық материалмен қапталады.

2026 жылдың IV тоқсанынан бастап Jeep Recon жаһандық нарыққа шығады. Америкадағы баспасөз компанияның премьераны бұл уақытқа қойғанына таңданды, себебі премиум электромобиль алатындар азайып барады.