Италияда "ұсқынсыз" Rolls-Royce сатылады

Италияда “ұсқынсыз” Rolls-Royce сатылады

1954 жылғы Silver Wraith моделінің ішінде унитаз бар.

Rolls-Royce клиенттерінің қалауы кейде автоөндірушінің ұстанымына томпақтау келіп жататын. Содан болса керек, лимузинді өзгерту ісін Альфредо Виньяле шеберханасындағы мамандар қолға алыпты.

LCLW14 шасси нөмірін алған көлікті ателье 1954 жылы Туриндегі автосалонда көрсетіп, кейін мұхиттың арғы жағындағы клиентіне жіберді. Екі түрлі қосарлы домалақ шам тұрған созыңқы радиатор торы бар машинаның шатыры көлбеу орналасып, әйнегі басқа жаққа қисайып тұрғандықтан, салоны артқа ығысқандай көрінді.

Дизайнерлер шанақты үшке бөліп, сұлбасын «жотаға» ұқсатқысы келген сияқты, бірақ бір-бірімен мүлде үйлеспейтін дүниелердің симбиозы көрген кісілерге ұнамағаны анық, салдарынан автомобиль «ең ұсқынсыз роллс-ройс» атағын алды.

Крайне необычный Rolls-Royce продадут в Италии

Марканы жақсы көретіндерге жүргізушіге кедергі болмау үшін Экстаз Рухы мүсіншесінің жартылай шығып тұрғаны да жақпай қалды.

Крайне необычный Rolls-Royce продадут в Италии

Клиенттің талабына сәйкес шеберлер қозғалтқыштың біраз бөлігін жасыл түске бояп, көрініп тұрған түтіктерді хромдаған.

Былғарымен қапталған салонда кондиционер, теледидар, электр жетекті әйнектер, Becker Mexico премиум радиосы мен телефон бар. Дегенмен мұндағы ерекше опция — алтынмен апталған унитаз. Оны артқы диванның артына жасырып қойыпты. Сатушылар көлік иесі оны шарап қоятын мұз толы ыдыс ретінде қолданған деді.

Крайне необычный Rolls-Royce продадут в Италии

Елде жоқ ерекше көлікке Нью-Джерсиде тұратын Джозеф Дж. Машуч (1896–1986) есімді өнертапқыш тапсырыс берген екен. Ірі кәсіпорынды басқарған магнаттың 19 бөлмелі зәулім үйі де кейін ел назарына ілікті.

Қазір бірегей 1954 Rolls-Royce Silver Wraith Vignale Нидерландыда тұр. Автомобиль 25 мамыр күні бәссаудаға түседі. Аукционшылар ол 120-160 мың еуроға өтеді деп үміттеніп отыр.

Комментариев: 0

Чтобы оставить комментарий, вам необходимо зарегистрироваться или авторизоваться.