Isuzu Еуропаға электрлі пикап ұсынады

Isuzu Еуропа нарығына арналған алғашқы батареялы пикабын көрсетті. D-Max электрлі болады. D-Max EV Ұлыбританияда кем дегенде 59 995 фунт (43 млн теңге) тұрады, ал дизельді көліктң бағасы — 27 775 фунт (20 млн теңге).

2024 жылы Isuzu экстерьері өзгерген электропикаптың концептісін көрсеткен, бірақ сериялы D-Max EV дәстүрлі мотормен жүретін нұсқасына қатты ұқсайды. Тіпті батареяны қуаттау порты дизельді пикаптың жанармай багы тұрған жерде орналасқан. Жаңа өнім шанағындағы көк қосымшалар және газ шығару жүйесінің жоқтығымен ғана ерекшеленеді. Құрылымдық жағындағы басты айырмашылық — жаңарған рама мен артқы аспа.

1 / 9

• 
• 
• 
• 
• 
• 
• 
• 
• 

1 / 9

Isuzu пикап электрлі болған соң да коммерциялық сипаттамасы өзгермейтінін айтты. Автомобильдің бортына бір тонна жүк сыяды, 3.5 тонна тіркемені сүйрей алады әрі тереңдігі 600 мм өткелден өте алады, өйткені клиренсі 210 мм. Пикаптың екі электромоторы 190 ат күші мен 325 Нм береді, бұл дизельді түрленімнің сипаттамасымен шамалас.

Isuzu D-Max EV алғашқы жүздікті 10.1 секундта еңсереді, ең жоғары жылдамдығы — 130 км/сағ. Сыйымдылығы 66.9 кВт·сағ батареяның арқасында пикаптың жүріс қоры 260 км болады. Аккумуляторды 20-дан 80 %-ға дейін қуаттауға бір сағат уақыт қажет.

Жаңа өнім үш комплектацияда сатылады. Ең қымбаты 62 495 фунт (44.6 млн теңге) тұрады.