Iran Khodro-ның жаңа моделі Rira деп аталады

Ирандағы ірі автоөндіруші Iran Khodro (IKCO) жаңа өнімін таныстырды. Ол – Rira кроссовері.

1 / 9

• 
• 
• 
• 
• 
• 
• 
• 
• 

1 / 9

Ұзындығы 4.3 метр болатын көлікті жергілікті инженерлер мен дизайнерлер әзірлеген екен, бірақ кейбір дерек бойынша олар Peugeot 2008 моделінен шабыт алған. Автомобильдің алды төртінші буындағы Hyundai Santa Fe-ні еске салады. Жіңішке оптикасы, бампердегі шамдар блогы мен радиатор торы дәл сондай. Ирандық машинаға күндізгі жүріс шамындағы Т тәрізді сурет қана жетпей тұр.

IKCO Rira 160 ат күшіне ие 1.7 литрлік турбомотормен және 6 сатылы автоматпен жүреді. Бренд IKCO Dena Plus седанына да сондай қозғалтқыш орнатқан.

Rira тек 2024 жылы конвейерге тұрады деген болжам бар.