Infiniti QX80-нің 600 ат күшіне ие нұсқасы шығады

Infiniti 2024 жылы көктемде V8-бен емес, алты цилиндрлі турбомотормен (456 а.к.) жүретін жаңа Infiniti QX80-ді таныстырған. Ал былтыр компания марка жанкүйерлерін әлдеқайда қуатты күштік құрылымы бар концептілермен қызықтыра бастады. Соның ішіндегі кейбір шоу-кар сериялық өндіріске шығатын сияқты.

Automotive News хабарлағандай, брендтің өнімдер жөніндегі директоры Брайан Мараньо 2027 жылы QX80-нің 600 ат күшін беретін 3.5 литрлік V6-мен жабдықталған түрленімі шығатынын айтқан. Атауында Red Sport қосымшасы бар автомобиль мықты тежеуіш, 24 дюймдік дөңгелек дискісі және сұсты бастырықпен ерекшеленеді. Бірақ басылым жаңа өнімнің сырт пішіні онша өзгермейді деп мәлімдеді.

Кейін топтамаға QX80-нің бұдан экстремал көлік қосылуы мүмкін. Infiniti QX80 Track Spec концептісіне негізделген машина төмен аспа, 24 дюймдік дөңгелек дискісін, жаңа бастырық пен V6 моторын (659 а.к.; 1016 Нм) алуы ықтимал. Тіпті SEMA көрмесіне арналған R-Spec шоу-карының 1000 ат күшіне ие 3.8 литрлік VR38DETT қозғалтқышымен жүреді деген болжам бар.

Infiniti QX80 Қазақстанда ресми сатылып жатыр. Дилердегі бағасы 70 млн теңгеден басталады.

Біздің автосалондарда тұрған QX80 туралы толық ақпаратты Kolesa.kz сайтының «Жаңа көліктер» бөлімінен көруге болады. Онда модельдің техникалық сипаттамасы, комплектациясы және бағасы жазылған. Елде сатылып жатқан машиналардың бәрін сол жерден таба аласыз.