Бренд осы айдың ортасында жарық көретін үш прототиптің фотосын жариялады. Бір концепт жаңа кросс-купе шығатынын білдірсе, қалған екеуі флагман QX80-нің арнайы нұсқаларын көрсетеді. Компания бұларды жаппай өндіруге дайын.
Infiniti Монтерейде өтетін автомобиль аптасында QX65 Monograph концепт-карын ел назарына ұсынады. Прототиптің алды көрініп тұрған тизерден негізгі жарық техникасы мен капотына, қанатына баға беруге болады. Радиатор торындағы күңгірт жарық түскен ендірмелер де анық көрініп тұр.
Компания әдетте конвейерге тұруға жақындап қалған модельдерін Monograph деп атайды. Дегенмен QX65 шығатын күн де алыс емес. Модельдің тестке қатысатын прототиптері жалпы жолда кездескен. Болжам бойынша 65 индексін жақында жаңарған QX60-қа негізделген кросс-купе алады. Тек бес орынды салонмен сатылатын машина әйгілі Infiniti FX-тің ізбасары атанатын сияқты.
QX80 Terrain Spec сериялық QX-тің жолсыз жерде еркін жүретін нұсқасы болуы ықтимал. Суреттен анағұрлым ірі дөңгелектер, ұлғайған жол саңылауы және төбесіндегі жарық жолақ байқалады. Infiniti оған былтыр шыққан Nissan Armada Pro-4X-тің компоненттерін орнататын шығар. Бұл арнайы түрленімді жол талғамайтын шинасы, ерекше бампері мен 20 дюймдік дөңгелегінен танисыз. Дөңгелегі жолсыз жерде жақсы жүретін резеңкемен қапталып, түбі қорғалған машинада артқы дифференциалды бұғаттағыш та болады.
QX80 Track Spec — асфальтта ғана жүретін автомобиль. Тизердегі темір тұлпардың алдыңғы бампері ірі және QX80-тің басқа нұсқаларына қарағанда жерге жақын тұр. Марка оған Nissan Armada мен Patrol-дың бөлшектерін орнатады. Моторы анағұрлым қуатты көліктің жүріс бөлігі қайта бапталады және қызыл акценттері бар аэроддинамикалық бастырық алады.
Комментариев: 0