Ильяс Кар получил 10 лет лишения свободы

Ильяс Кар 10 жылға қамалды

Оңтүстік астанадағы Алмалы аудандық соты үш адамның қаза табуына әкеп соққан жол апатына кінәлі деп айыпталған Ильяс Кардың ісі бойынша үкім шығарды.

Сот оны ҚР ҚК-нің 345-бабының 4-бөлігі («Жол қозғалысы ережелерін абайсызда үш адамның өліміне әкеп соққан бұзуы») және 347-бап («Жол-көлiк оқиғасы болған жерден кетіп қалу») бойынша кінәлі деп тапты.

Ильяс Кар жазасын қауіпсіздігі барынша төмен мекемеде өтейтін болады. Сонымен қатар ол көлік басқару құқығынан жеті жылға айырылды. Сотталушы моральдық зиянның өтеуі ретінде зардап шеккен азаматтардың отбасына үш миллион теңгеден қаржы төлеуге міндеттелді.

Естеріңізге сала кетейік, 2018 жылдың 29 желтоқсанында Абай мен Сейфуллин даңғылдарының қиылысында «Гелендваген» көлігін тізгіндеген Ильяс Кар Mitsubishi Galant-қа соғылған болатын. Апат нәтижесінде Mitsubishi-дің жүргізушісі мен екі жолаушы мерт болып, түрлі жарақат алған бір адам ауруханаға жеткізілген еді. Сол сәтте адамдардың ашуынан үрейленген Кар оқиға орнынан ізін суытқан.

Комментариев: 0

Чтобы оставить комментарий, вам необходимо зарегистрироваться или авторизоваться.