Chevrolet мен Hyundai бірнеше жылдан бері әріптестік орнатуға дайындалып жатыр, мұны өзара модель алмасу арқылы жүзеге асыруға болады. Hyundai топтамасына пикап қосса, Chevrolet тізіміндегі бос орынды толтырады. Америкалық компания Hyundai Staria минивэнін алуы ықтимал. Бұл туралы MotorTrend жазды.
Staria-ның топтамаға қосылуы Chevrolet-ге тиімді, себебі платформа өте икемді. Базалық нұсқа жүк таситын фургон бола алады, жолаушы тасымалдайтын түрленімі 7 орынды люкс салонмен, екінші қатардағы жайлы орындықтармен немесе 11 орынды қарапайым интерьермен сатылады.
Қазір Staria-ның мотор гаммасы 3.5 литрлік V6 (272 а.к., 331 Нм), 2.2 литрлік дизель (177 а.к., 431 Нм) және 1.6 литрлік турбомоторға негізделген гибридтен (245 а.к, 367 Нм) тұрады. Коммерциялық ST1 шассиінен алынған электрлі қондырғысы бар прототип те сынақ кезінде көзге түсті.
MotorTrend сырт келбеті өзгерген Staria 2028–2029 жылдары АҚШ-тағы Chevrolet-нің модельдер қатарына қосылуы мүмкін деп жазды.
Комментариев: 0