Hyundai 2022 жылы саяси себеппен Ресей нарығынан кеткен, бірақ марканың «АГР» холдингінің бақылауында тұрған
Биыл наурыздың аяғына дейін зауыт 30 мың «солярис» құрастырды. Бұған дейін қоймада 70 мың машинаға жететін автокомплект бар екені белгілі болған. Яғни ерте ме, кеш пе, автобөлшек бітіп, конвейер қайта тоқтауы мүмкін еді. Бірақ компания Ресейдегі жұмысын жалғастыратын сияқты.
Gazeta.ru өз дереккөзіне сілтеме жасап хабарлағандай, Hyundai автомобиль құрастыру үшін Ресейге компонент жеткізбек, бірақ тіке Кореядан тасымайды.
— Hyundai компонентті Қытайдағы еншілес кәсіпорнына жеткізеді, олар Қазақстанға жөнелтеді, содан кейін бөлшек Ресейге жетеді, — деп жазды басылым.
Осы арқылы компания ең алдымен санкцияға ұшырау қаупінен құтылады, екіншіден, кейінгі кезде саудасы нашарлап кеткен Қытайдағы бөлімшелеріне көмектеседі.
Комментариев: 0