Hyundai рамалы пикап пен жаңа спорткар шығарады

Инвесторларға арналған іс-шарада Hyundai модельдік топтамасын кеңейту жоспарын таныстырды. Марка дәстүрлі қозғалтқышы бар машиналарды да, жаңа энергия көзімен жүретін модельдерді де көбейтеді. Атап айтқанда, рамалы пикап және қуатты электрокар құрастырады.

Hyundai қазір Santa Cruz пикабын сатып жатыр, бірақ ол біртұтас шанақты машина. Компания енді рамалы модель сегментіне кіруге ниетті. Жаңа өнім негізінен АҚШ нарығына арналған, онда Hyundai моделі Ford Ranger, Chevrolet Colorado және Toyota Tacoma-ға бәсекелес болады. Тағы бір мақсаты — осы платформада толыққанды жол талғамайтын көлік әзірлеу. Модель 2030 жылға қарай жарық көреді.

Онжылдықтың аяғына дейін Hyundai N спорткарлар топтамасы жеті модельге жетеді, оған жаңа Ioniq 6 N қосылады. Еуропаға арналған Ioniq 3 концептісінің де қуатты нұсқасын ұсынуы мүмкін. Үндістан мен Қытайда саудаға түсетін эксклюзив электромобильдер да шығады. Hyundai гибрид топтамасын 18 модельге жеткізеді. Гибрид модельдердің жүріс қоры 1000 шақырымға жетеді.

Hyundai жаңа аккумулятор өндіруді көздейді, оны 2027 жылы көрсетеді. Жаңа батарея 30 % арзан, энергия сақтау тығыздығы 15 % жоғары әрі қуаттау уақыты біршама қысқа болуға тиіс.

Бренд жыл сайын 5.55 млн автомобиль сатуды жоспарлаған, компания бұл мақсатқа 2030 жылға дейін қол жеткізуді көздеп отыр.