Hyundai Қытайға арналған Elexio электрокроссоверін көрсетті

Hyundai әлемдік электрокар сегментіне Ioniq топтамасын қосты, ал Қытай тұрғындарына эксклюзив топтама ұсынады. Бұл стратегияның алғашқы моделі Elexio кроссовері болады, ол жақында Қытай нарығына шығады.

Hyundai Elexio концернінің басқа электромобильдеріне аса ұқсамайды. Өлшемі өзгеше болғанымен дизайны бір стильде жасалған. Дегенмен нарық ерекшелігіне байланысты Elexio жаңа концепциямен толығады.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Интерьер суреті жарияланған жоқ. Бірақ Hyundai машина салоны барынша цифрлы әрі қарапайым болатынын хабарлады. Физикалық батырма аз, басқару функциясы мен онлайн-сервистер үлкен дисплейі бар Qualcomm 8295P чипімен жұмыс істейтін жаңа медиажүйе арқылы жүзеге асады. Автомобильде 2-деңгейлі автономия да болады, оны қолдануға Huawei көмектеседі.

Техникалық сипаттамасы туралы ақпарат көп емес, Elexio жүріс қоры 700 км болатын электрлі күштік құрылыммен жүретіні ғана белгілі, машина 27 минутта 30-дан 80 %-ға дейін қуатталады. Фотосуреттен Elexio өлшемі жағынан Hyundai Tucson сияқты модельдермен шамалас екені байқалады.

Жаңа өнімді Hyundai мен BAIC-дің Beijing Hyundai деп аталатын бірлескен кәсіпорны құрастырады. Марка Қытайда қанатын кең жаю үшін минивэн, седан сияқты шанақ тиіптерін де ұсынуды жоспарлап отыр.