Автокомпонент шығаратын Hyundai Mobis бөлімшесі электромобильге арналған ерекше өрт сөндіру жүйесін жасады, ол батареяда тұрады.
Өнертабыс BMS аккумулятор батареясын басқару жүйесінің мүмкіндігін арттырады. Енді бағдарламалық жасақтама сезгектер арқылы аккумулятор температурасы мен кернеуін бақылаумен қатар, нормадан ауытқу байқалса қауіп шыққан ұяшыққа өрт сөндіретін химикатты автоматты түрде енгізеді.
Жаңа аккумулятор блогында салқындатқыш пен оттегінің кіруін тежейтін химиялық реагент болады, ол 3.3 келілік әдеттегі өрт сөндіргіштен бес есе тиімді. Компания бұл заттың адам денсаулығына зияны жоқ екенін айтты.
Hyundai Mobis заңгерлері аккумулятор корпусының құрылымындағы өрт сөндіру жүйесіне отандық және халықаралық деңгейде патент алуға өтінім берді. Мұндай жаңа батареяны алғаш болып Hyundai концерні өз көліктеріне қоятыны анық.
Комментариев: 0