Hyundai Ioniq топтамасы толығады

8 қыркүйектегі Мюнхен автосалонында жаңа Hyundai электромобилінің тұсаукесері өтеді. Марка алдымен прототипті көрсетеді, келер жылы көптеп өндіре бастайды. Бренд автомобиль атауын кейін жариялайды, қазірше шетелдік БАҚ оны baby-Ioniq немесе Ioniq 2 деп атап жүр.

Тизерден үлкен ауатартқыш, алдыңғы бампердің төменгі жағындағы сплиттер, дөңгелек аркасы және көліктің артқы жағы көрінеді. Демек бес есікті модельдің формасы Ioniq 5 хетчбэгіне емес, Ioniq 6-ға көбірек ұқсайды.

Кіші «Ионик» Kia EV4 сияқты E-GMP платформасының 400 вольтты нұсқасына негізделуі мүмкін, демек ол 58.3 кВт⋅сағ батареямен жұмыс істейтін мотормен жабдықталады. Машина моножетекті әрі жүріс қоры 400–500 километрге жетеді.

1 / 5

• 
• 
• 
• 
• 

1 / 5

Ioniq топтамасының жаңа өкілі шағын электрокар сегментіне қосылады, мұнда жаңарған BYD Dolphin, жаңа Renault 4 E-Tech сияқты бәсекелестер бар.