Hyundai компаниясы Custo моделінің алғашқы ресми суретін жариялады. Минивэн жобасын Beijing Hyundai Motor бірлескен кәсіпорнының мамандары жасады.
Машина бізге таныс Kia Carnival-мен бір платформаны бөліседі, бірақ Custo көлемі жағынан сәл кішірек. «Карнивалдың» ұзындығы — 5 155 мм, ал «Кустоның» ұзындығы — 4 950 мм. Модельге кореялық брендтің заманауи стиліне сай үлкен радиатор торы мен күндізгі жарық шамы орнатылған.
Салонда мультимедиа планшеті бірден көзге түседі. Оның орналасуы мен пішіні Hyundai Creta-ның ix25 деп аталатын қытайлық нұсқасын еске салады. Сонымен қатар цифрлы аспаптар панелі де бар, ал селектор орнына өзге Hyundai модельдеріндегі секілді батырма қойылған.
Custo бастапқыда екінші қатарына бүтін диван орнатылған жеті орынды нұсқада ғана сатылады. Кейінірек жайлы креслосы бар сәнді нұсқасы жарық көреді.
Custo тек турбоүрлемді бензинді агрегаттармен ұсынылады. 170 ат күшіне ие 1.5 литрлік немесе 236 ат күшіне ие 2 литрлік мотордың бірін таңдауға мүмкіндік бар. Қозғалтқыш 8 сатылы автоматпен жұптасады, тек алдыңғы жетекті болады.
Комментариев: 0