Huawei мен BAIC альянсы Defender-ге ұқсайтын автомобиль шығарады

Huawei мен BAIC құрған Қытайдың HIMA альянсы Stelato маркасының жаңа моделін дайындап жатыр. Ол — ұзындығы 5.2 метр, дөңгелек базасы 3.16 метр болатын ірі жол талғамайтын көлік. G9 индексті машинаның электрлі және тізбекті гибрид нұсқасы шығады.

1 / 5

• 
• 
• 
• 
• 

1 / 5

Сертификат дерегінен электрлі G9 алдыңғы осьтегі 218 ат күшіне ие және артқы осьтегі 377 ат күшіне ие электромотормен жүретінін көруге болады. Олар 120 киловатт батареядан қуат алады, машинаның жүріс қоры 700 шақырымға жетеді. Ал гибрид нұсқа дәл осындай электромотор, 75 киловатт аккумулятор және генератор рөлін атқаратын 1.5 литрлік дәстүрлі мотормен жабдықталған. Мұндай G9 электр қуатымен 400 км жүре алады, ал жалпы жүріс қоры — 1300 шақырым.

Stelato G9-дың сырт пішіні марканың жаңа стилінде жасалған, бірақ профилі мен артқы бөлігі Land Rover Defender-ге ұқсайды. Сондай-ақ дөңес капоты мен күндізгі жүріс шамының жартылай шеңберлі пішіні де британиялық модельді еске салады.

Үш қатарлы салоны бар Stelato G9 Қытайда 2026 жылдың III тоқсанында саудаға шығады.