Hongqi экспортқа шыққан ең қымбат Қытай көлігі атанды

Қытайда экспортқа шыққан автомобиль бағасы бойынша рекорд жаңарды. CarNewsChina хабарлағандай, Hongqi Golden Sunflower Guoli Lanting Yayun деген күрделі атауы бар седан Біріккен Араб Әмірлігіне жол тартты, өз отанында мұндай машина 11 млн юань (шамамен 800 млн теңге немесе 1.5 млн доллар) тұрады.

Седанның бағасы статусы және Rolls-Royce-тан кем түспейтін сәнді әрлеуіне байланысты өте жоғары. Мысалы, Hongqi-дің алдыңғы панелі мен есік картасы классикалық миниатюрамен әрленген. Ортаңғы шынтақ тіреуіште әр шаршы сантиметрі инструментті 2000 мәрте қозғауды талап ететін ерекше нақыш бар, ал артқы орындықтағы кестені тігуге 600 сағат жұмсалған. Дәстүрлі қытай техникасымен жасалған жібек кестенің әр шаршы сантиметрі 300 тігістен тұрады.

1 / 6

• 
• 
• 
• 
• 
• 

1 / 6

Алты метрлік Hongqi Guoli 387 ат күшіне ие (530 Нм) 4 литрлік турбоүрлемді V8 моторымен жүреді, қозғалтқыш 8 сатылы автомат қорап және толық жетек жүйесімен жұмыс істейді. Седан 5.1 секундта жүзге дейін жылдамдық алады.

Лимузин шетелге бұрын тіркелген автомобиль ретінде жол тартты, бірақ ол мүлде жүрмеген. Жаңа көлікті экспорттау сомасы жоғары болғандықтан, сатушылар осындай шешім қабылдаған. Қытайдағы басылымдар Hongqi Guoli-ге Quantitative Trading Equal Fund қорының негізін қалаушы кәсіпкер Станислав Семёнов Шанхай автосалонында тапсырыс берген деп жазды. БАӘ-де Rolls-Royce пен Bentley жаңалық болмай қалғандықтан, бизнесмен елден ерек болу үшін Қытай седанын алды деген болжам бар.