Мемлекеттік FAW концернінің құрамына кіретін Hongqi фирмасы былтыр көрсеткен концепт биыл конвейерге тұрады, бірақ марка оған уақытша P567 деген түсініксіз атау беріп отыр. Бірақ әу баста машина арнайы конкурс нәтижесіне сайкес 1927 (Қытай коммунистер армиясы құрылған жыл) деп аталуы керек еді.
Сериялық нұсқа прототиптің сұлбасын сақтап қалды, бірақ бастырығы агрессиядан сәл арылып, дөңгелегі джипке тән қасиетін жоғалтқан.
Жол талғамайтын көлік пневмопоаспасы мен артқы дөңгелекті бұру жүйесі бар рамалы шассиге негізделген. 270 мм клиренсі мен дифференциалды бұғаттау жүйесі машинаның геометриялық мүмкіндігі жоғары болатынын аңғартады. Бірақ автомобильде ауыр батарея мен төрт электромотор барын ескерсек, салмағы 3.2 тоннадан кем болмайтыны анық.
P567 — сыйымдылығы 63 кВт·сағ болатын батареясы бар тізбекті гибрид. Мұнда 2 литрлік дәстүрлі мотор генератор рөлін атқарады. Төрт электромотор жалпы 843 ат күші мен 1320 Нм береді. Соның арқасында машина алғашқы жүздікті 4.5 секундта еңсереді. Электр қуатымен 280 шақырымды еңсереді, ал жалпы жүріс қоры — 1350 км.
Бес орынды салоны «технологиялық сән-салтанат» стилінде жасалған. Аспаптар панелі торпедоға сұғына орналасқан, ал 17.3 дюймдік мультимедиа планшеті алдыңғы панельде тұр. Компания физикалық батырмадан толық бас тартқан жоқ. Трансмиссия иінтірегі екі бөліктен тұрады: бір селектор беріліс қорабының стандарт режимдерін ауыстыруға жауап берсе, оң жақтағысы жолсыз жерге арналған режимді таңдауға немесе бұғаттауышты қосуға арналған. Машина лидары бар автопилотпен де жабдықталған.
Hongqi P567 Қытай нарығына қашан шығатыны және бағасы қанша болатыны белгісіз. Бірақ жаңа өнім брендтің флагманы болмайды, бұл атақ ірі
Комментариев: 0