Hongqi арзан электроседан жасады

Hongqi өз елінің нарығына жаңа моделін ұсынды. Бұл — Tiangong электрлі топтамасына қосылған 05 индексті седан. Машина төрт комплектацияда қолжетімді, барлығында бір ғана қозғалтқыш бар, тек екі түрлі литий-темір-фосфатты аккумулятор болады. Бағасы 159 800-185 800 юань (11–12.8 млн теңге) аралығында.

Tiangong 05 бренд электромобильдеріне тән дизайн мен D тәрізді рөл, 15.6 дюймдік ортаңғы экран және бірнеше түстен тұратын былғарымен қапталған жинақы интерьер алды. Өлшемдері — 4820×1915×1480 мм, дөңгелек базасы — 2.9 метр. Жаңа өнім қазіргі Toyota Camry-ден сәл қысқа, дегенмен ось арасындағы қашықтық 75 мм ұзын.

1 / 10

• 
• 
• 
• 
• 
• 
• 
• 
• 
• 

1 / 10

Артындағы жалғыз электрлі қозғалтқыш 286 ат күшін және 317 Нм момент береді. Көлік алғашқы жүздікті 6.8 секундта еңсереді. Бастапқы екі жиынтық 62 кВт⋅сағ аккумулятормен жабдықталады, онымен жүріс қоры 550 км-ге жетеді. Қымбат нұсқалары 85 киловаттық батарея алады және 750 шақырым жүріп өтеді. Аккумуляторының сыйымдылығы аз көліктер 200 кВт-қа дейін ток қабылдай алады, қалғандары — 265 кВт. Сондықтан 10-нан 80 %-ға дейін толтыруға 20 минут кетеді.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Электрокарлар 400 вольттық архитектураға негізделген, Hongqi кейінірек 900 вольттық түрленімін шығаруды жоспарлап отыр. Оның жүріс қоры 850 км-ге дейін артады.

1 / 5

• 
• 
• 
• 
• 

Hongqi Tiangong 08

Hongqi Tiangong 08

Hongqi Tiangong 08

Hongqi Tiangong 08

Hongqi Tiangong 08

1 / 5

Шамамен екі ай бұрын Hongqi Қытайда Tiangong топтамасының алғашқы моделін — 08 кроссоверін таныстырды. Оның басты ерекшеліктерінің бірі — толық жетек, 619 ат күшіне ие мотор және 111 киловаттық батарея. Бұл кроссовер седаннан шамамен 80 мың юань (5.5 млн теңге) қымбат.