На чём ездил и ездит Хабиб Нурмагомедов

Хабиб Нурмагомедов тізгіндеген темір тұлпарлар

UFC чемпионының гаражында Priora-мен қатар, Mercedes-AMG спорткары да болған.

Хабиб Нурмагомедов аралас жекпе-жек өнерінің көрермендеріне жақсы таныс, ал Конор Макгрегорды тізе бүктіріп, әрі сол жекпе-жектің соңын ала бере жасаған әрекеттерінен кейін ол қарапайым халықтың да назарына ілікті. Ал бізге су жаңа UFC чемпионының қандай көлік мінетіні қызық.

Өзінің жүргізушілік жолын Нурмагомедов ақ түсті Lada Priora рөлінен бастаған болатын. Бұл көлік жүргізуші куәлігін ала салысымен пайда болып, гаражда ұзақ тұрақтамаған екен. Түрлі дереккөздерден алынған мәліметтерге сүйенсек, «Приораны» ол не кезекті сайысқа қатысу үшін сатып жіберген, не соғып алған көрінеді.

Хабиб Нурмагомедов тізгіндеген темір тұлпарлар

Аталған көліктен кейін Нурмагомедов ескілеу Mercedes-Benz тізгінін қолына алған, сонан соң оны да соққан екен. Айтпақшы, Хабибтің қолына түскен екінші мерс те алдыңғы екеуінің күйін кешіпті. Ал миллиардер Зиявудин Магомедов сыйға тартқан Mercedes-AMG GT S спорткары жол апатына түскен. Бірақ, сол сәтте GT рөлінде Нурмагомедовтің өзі емес, спортшының әлдебір досы болыпты.

Хабиб Нурмагомедов тізгіндеген темір тұлпарлар

«Мерседестерден» бөлек Хабибтің гаражында баварлық темір тұлпарлар да болған: ол алтыншы сериялы BMW-мен жүрген. Бұл көліктің тағдыры белгісіз бізге. Спортшының соңғы табыстарының тізімінде Хасавюрт ауданының басшысы Джамбулат Салавов тарту еткен Lada Vesta мен маусым айында сатып алынған рестайлингті Toyota Land Cruiser 200 бар.

Хабиб Нурмагомедов тізгіндеген темір тұлпарлар

Комментариев: 0

Чтобы оставить комментарий, вам необходимо зарегистрироваться или авторизоваться.