Гольф жанкүйерлеріне арналған Lexus LX

Автомобильдің Hideki Matsuyama Edition атты арнайы нұсқасы әйгілі гольфист Хидеки Мацуяманың US Tour чемпионатындағы оныншы жеңісіне арналған. Салоны ерекше әрленген және жабдықтар тізімі кеңейген бұл LX 17 миллион иенге (57 млн теңгеге жуық) бағаланып отыр.

1 / 4

• 
• 
• 
• 

1 / 4

Хидеки Мацуяма Азиядағы атақты гольфистердің бірі және 2014 жылдан бері Lexus-тің серіктесі. Спортшы шектеулі нұсқаның іші-сыртын әрлеуге қатысқан. Көлік Manganese Luster реңкті шанақ, сары тігістері бар ақ түсті қымбат былғарымен қапталған салон және қара шаған ағашынан жасалған ендірмелерімен ерекшеленеді. 22 дюймдік дискілер және спортшының қолтаңбасы бар тақтайшамен жабдықталады.

1 / 6

• 
• 
• 
• 
• 
• 

1 / 6

Осындай Lexus LX-ті сатып алған клиент Мацуяманың US Tour барысында пайдаланған гольф сөмкесінің көшірмесін алады.

Lexus LX Hideki Matsuyama Edition былтыр күзде шыққан LX 700h модификациясына негізделген. Күштік құрылымы 3.5 литрлік V6 мен электромотордан және 10 сатылы автоматтан тұрады. Жалпы қуаты — 464 а. к. және 790 Нм.

Бренд бұл ерекше Lexus LX-тің клиенттерін лотерея арқылы таңдайды. Оған қатысу үшін 20 наурызға дейін өтінім беру керек. Жеңімпаздар өз көліктерін тек көктемнің аяғында алады.