«Гелендваген» кабриолетке айналды

Ерекше дизайн жасаумен танылған Mansory ательесі Mercedes-AMG G 63-ке негізделген жаңа жобасын таныстырды. Бір экземпляры ғана шығатын автомобиль Speranza деп аталды. Жоба қуаты артқан қозғалтқыш және өзгерген шанағымен ерекше.

1 / 10

• 
• 
• 
• 
• 
• 
• 
• 
• 
• 

1 / 10

Сырт пішініндегі басты өзгеріс — қатты төбесінен арылуы. Оның орнын электр жетекті шатыр басқан. Сондай-ақ Speranza үлкен Grand Entree бастырығымен жабдықталған, ол бампер мен арка кеңейіткіштен бөлек, жаңа радиатор торы мен алдыңғы әйнектің жоғарғы жиегіндегі жарық техникасын қамтиды. Шеберлер кабриолетке 24 дюймдік дөңгелек дискісін орнатты.

1 / 7

• 
• 
• 
• 
• 
• 
• 

1 / 7

Тюнерлер машина интерьерін қызыл және ақ реңкпен әрлеген, ол шанақ пен матадан жасалған шатырдың түсіне сәйкес келеді. Өзгерістер қатарында былғары және карбон қаптама, артқы қатардағы жеке кресло және спорттық стильдегі рөл бар.

8 цилиндрлі қозғалтқыштың көлемі 4 литр күйінде қалды. Агрегат үлкен турбокомпрессор және балама басқару блогымен жабдықталған. Мотор қуаты 585-тен 820 ат күшіне артты, тарту күші 1150 Нм-ге жетеді. Speranza алғашқы жүздікті 4 секундта еңсереді, ең жоғары жылдамдығы — 250 км/сағ. Жүріс бөлігінде өзгеріс бар ма, белгісіз.

Жақында Brabus ательесі осындай жоба ұсынған. Олар әрлеген Гелендваген 800 ат күшіне ие, бұл машина Mansory жасаған Speranza-дан 0.6 секунд баяу жылдамдық алады.