Geely Қытайда V900 вэніне тапсырыс қабылдап жатыр

Компания Galaxy топтамасына кіретін V900 индексті жаңа минивэніне алдын ала тапсырыс қабылдай бастады. Ол 1200 км жүріс қоры, гибрид күштік құрылым және үш немесе төрт қатарлы орындық орнатуға болатын кең интерьерімен ерекшеленеді. Бренд модельдің бағасын жарияламады, бірақ негізгі техникалық сипаттамасы белгілі.

1 / 16

• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 16

Geely Galaxy V900-дің сырт келбеті платформалас LEVC L380 минивэніне ұқсайды, бірақ қозғалтқышы әртүрлі. Айырмашылықтары: үлкен ауа өткізгіші бар жаңа алдыңғы бампер және алтын түстес фирмалық логотип. Капотты бойлай орналасқан диодты жолақтың ұзындығы — 1750 мм.

Өлшемдері — 5360×1998×1940 мм, дөңгелек базасы — 3.2 м. Марка V900 салонының ауданы 8.41 шаршы метр дейді. Үш қатарлы нұсқада екінші және үшінші қатардағы аяқ қоятын жерде бір метрден астам орын бар. Жүксалғыш көлемі — 1000 литр. Үш түрлі интерьері 6-8 орынды. Екінші қатардағы орындықтар желдеткіш, массаж, аяқ тіреуіш және шынтақ тіреуіште тұратын сенсорлы панельмен жабдықталады.

1 / 26

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 26

Вэннің алдыңғы бөлігінде цифрлық аспаптар панелі, ірі медиажүйе дисплейі және әйнекке түсетін 19.8 дюймдік проекция бар. Дизайнерлер жолаушылар үшін 17.3 дюймдік экран, 27 Flyme Sound динамигін және 9.1 литрлік термобокс орнатқан. Панорамалы шатырдың өлшемі — 2.18 шаршы метр.

Күштік құрылымы әзірге біреу. Ол 1.5 литрлік іштен жанатын қозғалтқыш пен 122 және 340 ат күшіне ие электромоторлардан тұрады. Батарея сыйымдылығы — 43.3 немесе 50 кВт⋅сағат. V900 электр қуатымен 200–240 шақырым еңсере алады. Алдын ала мәлімет бойынша кейін шағын батареялы модификациясы шығуы мүмкін.