Geely Monjaro қуатты әрі жылдам болады

Geely Қытайда танымал Monjaro кроссоверін жаңартты. Autohome порталы жергілікті өнеркәсіп министрлігіне сілтеме жасап хабарлағандай, машинадағы басты өзгеріс — қуатты қозғалтқыш пен агрессивті алдыңғы бампер. Жаңа өнім туралы қазірше ресми ақпарат жоқ.

Жаңарған Geely Monjaro 2 литрлік агрегатын сақтап қалды. Бірақ оның қуаты 238-ден 272 ат күшіне артты, соған сай көліктің ең жоғары жылдамдығы артып, 215-тен 225 км/сағ-қа жетті. Кроссовер Қытайда алдыңғы және толық жетекті болады.

Сертификат суретінен үлкен ауатартқышы бар алдығы бампер мен C пішінді хромды қосымшаны байқауға болады. Monjaro-ның сырт пішініндегі жалғыз өзгеріс осы ғана. Бірақ кроссовер шанағы қазіргіден 25 мм ұзын болады. Сондай-ақ машина дизайны басқаша 19 және 20 дюймдік дөңгелек дискісімен ерекшеленеді.

Басылым жаңа модельдің сертификат базасында пайда болғанына қарап оның жақында нарыққа шығатынын болжап отыр. Geely алдағы уақытта мұндай Monjaro-ны шетелге экспорттауы мүмкін. Қазақстанда кроссовер 238 ат күшіне ие (350 Нм) 2 литрлік турбомотор, 8 сатылы автомат қорап және толық жетек жүйесімен сатылады, 20258 жылғы машина 23.68 млн теңге тұрады.