Geely Monjaro Қазақстанда жасалады

Geely Monjaro Қазақстанда аса танымал емес. Бұл — брендтің жергілікті топтамасында ең аз өткен машина. Былтыр 258 данасы иесін тапты. Жақында кроссовердің саудасы өсуі мүмкін, себебі ол Қазақстанда жасалады әрі бағасы түседі.

Geely Monjaro будут собирать в Казахстане

Көлік құралының типін мақұлдау реестрінде Monjaro туралы ақпарат бар. Құжатта автомобиль Қостанайдағы зауытта жасалады деп жазылған. Бұл кәсіпорын автоөндірушінің Preface, Cityray, EX5 EM-i және EX5 модельдерін шығарады, бірақ олар Geely Galaxy дилерлік орталықтарында сатылады.

Машина 238 ат күші мен 350 Нм момент беретін 2 литрлік турбомотормен жабдықталады. Қазір Қытайдан тікелей келіп жатқан Monjaro-ның сипаттамасы осындай.

1 / 6

Жаңарған Geely Monjaro-ның интерьері

1 / 6

Қазір Monjaro автосалондарда арнайы ұсыныстар мен жеңілдікті қоспағанда, 17-18 млн теңге тұрады.

Monjaro Қостанайда конвейерге тұратын Geely-дің жалғыз өнімі емес. Реестрде Atlas-тың құжаты бар. Бренд оның 1.5 не 2.0 литрлік турбомотор (147-238 а.к.) көмегімен қозғалатын алдыңғы және толық жетекті нұсқаларын ұсынады.

1 / 5

Geely Atlas

1 / 5

Қазір алдыңғы жетекті Atlas Қазақстанда 1.5 литрлік қозғалтқышпен (174 а.к.) және 7 сатылы роботпен саудаланады. Құны — 12.2-13.2 млн теңге. Толық жетекті түрленімі 2 литрлік агрегатпен (238 а.к.) және 8 сатылы автоматпен жүреді. Бағасы — 14.2-14.9 млн теңге.

Комментариев: 0