Geely гибрид пикап ұсынады

Geely бірнеше жыл бұрын Radar пикап топтамасын таныстырған. Әу баста олар тек электрлі болды, енді гибрид нұсқасы шығып отыр. Дәстүрлі және электромотормен жүретін Radar King Kong — Radar Horizon-ның қарапайым нұсқасы. Қытайда жаңа өнімге тапсырыс беруге болады, бағасы 139 800 юаньнан (10 млн теңге) басталады.

Атауында EM-P қосымшасы бар пикаптың дизайны мен өлшемі электрлі нұсқасымен бірдей. Базалық Radar King Kong-тың өлшемі — 5260×1900×1865 мм, дөңгелек базасы — 3120 мм. Кең түрленімі де бар, оның ось арасындағы қашықтығы — 3310 мм, жалпы ұзындығы — 5500 мм. Екеуінің де кабинасы бес орынды, салонда диагоналі 10.2 және 14.6 дюймдік екі дисплей бар.

1 / 9

• 
• 
• 
• 
• 
• 
• 
• 
• 

1 / 9

Компания Radar King Kong EM-P-дің шанағы мен шассиі 70 % берік болаттан жасалғанын хабарлады. Нәтижесінде пикаптың беріктігі 30 300 Нм/град болады.

1.5 литрлік дәстүрлі қозғалтқыш пен екі электромотордан тұратын күштік құрылымның жалпы қуаты — 354 ат күші мен 914 Нм. Гибрид 6.3 секундта жүзге дейін жылдамдық алады. Пикап бір тонна жүк көтере алады, толық жүк артқан кезде алғашқы жүздікті 8.6 секундта еңсереді. Сыйымдылығы 19.1 кВт·сағ батареяның арқасында «Кинг-Конг» электр қуатымен 100 км жүре алады, ал толық жүріс қоры — 1068 км. Жанармай шығыны — батарея қуатына байланысты 100 шақырымға 1.5–6.4 литр.

1 / 8

• 
• 
• 
• 
• 
• 
• 
• 

1 / 8

Күштік құрылымның қар, балшық және құмды жолға арналған бірнеше жұмыс режимі бар. Сондай-ақ ол V2L протоколы (3.3 кВт) арқылы электр құралдары сияқты үшінші тарап көздерін, ал V2V схемасы (21 кВт) арқылы өзге электрокарды қуаттай алады.

Қытайда Radar Horizon-ның да гибрид түрленімі шығады, ол King Kong-тың жайлы әрі қымбат баламасы атанады. Geely экспортқа қанша пикап шығаратыны белгісіз.