Geely Galaxy L6 гибрид седанын саудаға шығарды

Geely Қытай тұрғындарына Galaxy топтамасының жаңа өкілі L6 EM-i-ды ұсынды. Машина бір күштік құрылым, екі аккумулятор және бес комплектациямен сатылады. Бағасы — 82 800–109 800 юань (5.7–7.5 млн теңге). Тіке сауда басталған кезде уақытша 3000 юань (200 мың теңгеден сәл көп) жеңілдік болады.

Жаңа Geely Galaxy седанының өлшемі — 4782×1875×1489 мм, дөңгелек базасы — 2752 мм. Демек L6 EM-i Қытай нарығына арналған Toyota Corolla-дан сәл үлкен, басты бәсекелесі BYD Qin L-ден кішілеу болады.

1 / 5

• 
• 
• 
• 
• 

1 / 5

Седанның Leishen 2.0 күштік құрылымы 1.5 литрлік дәстүрлі мотор, электромотор және E-DHT трансмиссиясынан тұрады. Біріншісі — 112, екіншісі 218 ат күшін береді. Svolt литий-темір-фосфат батареясының сыйымдылығы 8.5 және 19.1 кВт⋅сағ болатын екі нұсқасы бар. Соған сай Galaxy L6 электр қуатымен сәйкесінше 60 немесе 140 км жол жүре алады. Ал жалпы жүріс қоры — 1300 шақырым. Жаңа өнімнің базалық жабдықтар тізімінде навигациясы бар медиажүйе, дыбысты көмекші, интернетке кіру нүктесі, алты динамик, кілтсіз ашу жүйесі және т.б. бар.

BYD Qin L DM-i гибриді Қытайда кем дегенде 99.8 мың юань (6.86 млн теңге) тұрады.