G-Power аса қуатты BMW M3 универсалын ұсынды

G-Power ательесі BMW M3-ке арналған жақсарту бағдарламасын жариялады. Оны седанға орнатуға болады, бірақ тюнерлер универсалды таңдады. Бағдарлама шанақ пен интерьерді ғана емес, қозғалтқышты да қамтыған, оның қуаты 800 ат күшіне (900 Нм) жетті. Осындай 3 литрлік алты цилиндрлі агрегаты бар стандарт M3 CS 550 ат күшіне ие.

Турбокомпрессордың жаңа суық және ыстық бөліктері бар үрлемді жүйесі жаңарды. Мотор бірегей бағдарламамен басқарылады. Өзгерген газ шығару түтігінің ұшы карбоннан жасалды. Мамандар қозғалтқыштың қуатын арттырып, жылдамдық шектеуішін алып тастаған соң универсалдың максимал жылдамдығы 330 км/сағ-қа жетті.

1 / 7

• 
• 
• 
• 
• 
• 
• 

1 / 7

Алдыңғы бамперге арналған қаптама, артқы диффузор, үлкен ауа өткізгіші бар капоттан тұратын аэродинамикалық бастырық карбоннан жасалған. Алдыңғы дөңгелектері — 20 дюйм, артқысының өлшемі — 21 дюйм. Дизайнды қызғылт сары акценттер толықтырады. Бұл түс интерьермен үйлесіп тұр. G3M Bi-TURBO 800 жобасы M3 CS стиліндегі сары күндізгі жүріс шамымен ерекшеленеді.

G-Power мұндай автомобильдің 25 данасын ғана шығарады. BMW M3-тен G3M Bi-TURBO 800 жасау үшін кемінде 47.6 мың еуро (25.6 млн теңге) қажет, бұл сомаға донор-көлік кірмейді.