G-Class-тың бірнеше жаңа нұсқасы шығады

Әйгілі Mercedes-Benz G-Class топтамасы болашақта жаңа әрі қуатты көліктермен толығуы мүмкін. Бұған Еуропаның патент базасынан CarBuzz порталы тапқан ақпарат меңзейді.

Неміс брендінің өкілдері атауында G тіркемесі бар бірнеше жаңа индекске құқығын тіркеді. Сөз G600, G700 және G800 туралы болып отыр. Қазір G-Class-тағы үлкен сандар G580 (электрлі жол талғамайтын көлік) және G650-ге (99 данасы жарық көрген Mercedes-Maybach ландолеті) тиесілі.

Марка жаңа атауларды электрлі геликке бере ме, әлде жаңа V8 орнатылған машина ала ма, әзірге белгісіз. Журналистер индекстердің бірі биыл қыркүйектің басында тизері шыққан «гелендвагенге» бұйыруы мүмкін дейді.

Екінші нұсқа — қазіргі G-Class атауын өзгертіп, «кіші» индекстерді болашақта модельдер қатарына қосылатын baby-G-ге беру.