G-Class-қа ұқсайтын Tank 300

Tank 300-ді сәнді етіп көрсететін түрлі стайлинг біртіндеп шығып жатыр. Тайландтың Чонбури қаласындағы Shana E-Sport шеберханасы машинаны Brabus «гелендвагеннің» көшірмесіне айналдырды.

Тюнерлер агрегаттарға тиіспеген. Tank 300 электромотормен жұптаса жұмыс істейтін 2 литрлік турботөрттік, 9 сатылы автомат және толық жетек жүйесімен жүреді, құрылым 350 ат күшін береді.

1 / 17

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 17

Мамандар шанақ бастырығын G-Class стиліне сай жасады. Олар ірі ауа өткізгіші бар спорттық бампер, қанаттағы бұрылыс шамы, жаңа фара, желдетілетін капот және ірі арка кеңейткіш орнатты. Шатырында жарықдиодты шам, радиатор торында Brabus эмблемасы тұр.

Shana E-Sport көліктің артқы бөлігін диффузоры бар бампер, шатырдағы спойлер және қосалқы дөңгелекке арналған қап орнатты. 22 дюймдік дискілері бүртабан шинамен қапталған. Газ шығару жүйесінің түтігін бампердің немесе табалдырықтың астына қоюға болады.

Tank 300-дің салонындағы екі экран мен желдеткіш дефлекторлары «Мерседес» өнімдерін еске салады. Шеберлер ештеңе өзгертпеген.

Тюнерлер G63-тің терісін жамылған Tank 300 үшін 2 500 000 бат (~40.79 млн теңге) сұрап отыр, оның шамамен үштен екісі донор-машинаның бағасы.