2026 жылы саудаға шығатын экстремал Ford Ranger Super Duty пикабы Аустралияда сынақтан сәтті өтті. Бірақ прототипті адам емес, робот басқарған.
Салонда ешкім отырмайды, рөл мен педальді орталық процессор арқылы басқарылатын қарапайым манипулятор меңгереді.
Автоматты жүргізуші көптеген шұңқыр мен жылдамдық тежеуіш (Speed bump) ретсіз орналасқан Silver Creek аумағын оңай жүріп өтеді. Мамандар бұл алаңда көлік құралының құрылымдық тұтастығын, атап айтқанда, раманың беріктігі, қозғалтқыш тірегі және шанақ қоспаларын тексереді.
Сынақ бірнеше күнге созылады, адам мұндай жолда машинада ұзақ отыра алмайды. Компания бірнеше аптаға созылатын процесс автомобильдің жылдар бойы жүрген жолына тең болатынын айтты.
Компания бұл елді кездейсоқ таңдаған жоқ. 3 литрлік турбодизельмен жүретін, клиренсі биік, 33 дюймдік шинамен жабдықталған толық жетекті Ranger Super Duty Аустралия нарығына арналған.
Комментариев: 0