Ranger пикабына негізделген рамалы Everest Таиландтағы зауытта жасалады және сол жақтан экспортқа аттанады. Модельдің жолсызға бейімделген Tremor модификациясы алғаш рет 2024 жылы шықты. Сол кезде автомобиль Аустралия үшін эксклюзив еді, енді ол Таяу Шығысқа барады.
Абу-Дабиде көрмеге қатысқан Ford Everest Tremor клиренсі 26 мм ұлғайған, жолтабан арасы 30 мм алшақтаған, Bilstein амортизаторлары бар аспасы қатайған, тастақ жермен жүргенде көмектесетін Rock Crawl режимі қосылған және General Grabber AT3 шинасымен қапталған 17 дюймдік қара дискілермен жабдықталған Аустралияға арналған нұсқаға ұқсайды. Сонымен қатар мотор қорғағышы бар жаңа бампер алады.
Таяу Шығысқа арналған Everest қозғалтқышымен ерекшеленеді. Аустралиядағы көлік 3 литрлік (600 Нм) турбодизельмен жүрсе, Everest 350 ат күшін және 500 Нм момент беретін екі турбинасы бар 2.7 литрлік V6 EcoBoost моторымен жабдықталады. Мұндай Tremor басқа Everest-тердің ішіндегі ең қуаттысы. Барлық түрленімде беріліс қорабы (10 сатылы автомат) бірдей.
Жаңа өнімнің бағасы белгісіз. Дегенмен комплектациясына (былғарымен қапталған салон, үздік мультимедиа, екі аймақты климат-бақылау) байланысты құны 60 мың долларға жетеді, себебі Біріккен Араб Әмірлігінде стандарт Ford Everest 42–55 мың доллар тұрады.
Комментариев: 0