2.3 литрлік моторы бар жаңа Ford Bronco-ның тежеуішінен ақау шыққан. Бұған дейін вакуумдық күшейткіштегі кемшілікке байланысты педаль қатты тартылып қалса, жуырда болған жағдай одан әлдеқайда қауіпті.
Bronco иелерінен құралған топта Дэвид Хоббстың жазбасы жарияланды. Оның Айовада тұратын досы бұғыны қағып кетпес үшін тежеуішті күрт басуға мәжбүр болған, жеті миль өткен соң автомобиль тежеуіші бұғатталып тоқтайды да, түтін шыға бастайды. Жазба авторы өрт тежеуіш магистралі үзіліп, ABS блогында қысқа тұйықталу болғаны салдарынан шыққанына сенімді. Абырой болғанда, ешкім зардап шекпеген. Алайда көлік мінуге жарамайды.
Мәселе шынымен ABS-пен байланысты ма, ол жағын нақты айту қиын. Хоббстың қысқа жазбасынан басқа мәлімет жоқ. Дегенмен жүйе жұмысына шағымданғандар табылды. Carscoops басылымы 2.7 литрлік мотормен жүретін Badlands түрленімі қиын жағдайға тап болғанын жазды. Автомобильдегі ABS алдыңғы тежеуіштерді қатты бұғаттағаны сонша, жолда дөңгелек ізі қалған.
2022 жылдың ІІІмтоқсанында сатылған Bronco саны 100 мыңға жуықтады. Демек өндірістік ақау мен көлік құрылымындағы кемшілік уақыт өте анықталады. Оқиға тағы бірнеше рет қайталанса, NHTSA сервистік кампания жарияланғанын хабарлайды.
Комментариев: 0