Ford Bronco DR аукционға қатысады

Ford 2021 жылдың аяғында Multimatic-пен бірге Baja 1000 сияқты жарыста өнер көрсеткісі келетін пилоттарға арнап Raptor моделінің ерекше нұсқасын ұсынды. Автомобиль атауында Desert Racer деген мағына беретін DR қосымшасы бар. Мұндай көлік саны 50-ден аспайды.

1 / 18

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 18

Bronco DR-дің шанағы кіріккен қауіпсіздік каркасымен және шыныталшықтан жасалған сыртқы панельдерімен ерекшеленеді. Автомобиль артық заттардан толықтай арылған, салонда тек бес нүктелі қауіпсіздік белдігі бар Recaro креслосы, Sparco рөлі және MoTec жасаған арнайы аспаптар панелі тұр.

1 / 7

• 
• 
• 
• 
• 
• 
• 

1 / 7

Модель 418 ат күшін беретін 5 литрлік V8 Coyote моторының көмегімен қозғалады. Агрегат 10 сатылы автомат қораппен, F-150 пикабынан алған үлестіргішпен және дифференциал бұғаттағышпен жұмыс істейді.

1 / 4

• 
• 
• 
• 

1 / 4

Мамандар аспасын да жақсартты. Машина Multimatic ұсынған DSSV амортизаторлары, 17 дюймдік дөңгелек және 37 дюймдік BFGoodrich бүртабан шинасымен жабдықталған.

Mecum аукционында саудаға түсетін экземпляр 38 мың доллар тұратын Baja пакетін алды. Ол қосалқы дөңгелек, екі аккумулятор, төбесі мен бамперіндегі жарықдиодты шамдар және арнайы шанақ жабынынан тұрады.

Сатушылар қанша пайда табуды көздеп отырғаны белгісіз. Бірақ болидтің құны 295 мың доллардан әлдеқайда жоғары болуы мүмкін.