FangChengBao Ti7-нің техникалық сипаттамасы

BYD концернінің құрамына кіретін FangChengBao маркасы жақында су жаңа Ti7 (Titanium 7) кроссоверін көрсеткен, бірақ техникасына қатысты еш ақпарат бермеді. Көлік туралы алғашқы мәлімет сертификаттау процесінде белгілі болды. Одан бөлек камуфляжсыз түскен бірнеше суреті жарияланды.

Кроссовердің өлшемдері — 4999×1995×1865 мм, дөңгелек базасы — 2920 см. Демек ол флагман модель Bao 8-ден (Leopard 8) кіші. Бренд автомобильге 19 не 20 дюймдік дөңгелек дискісін орнатады. Шығу және кіру бұрышы — 24 және 25 градус, жол саңылауының көлемі аталмады.

1 / 5

• 
• 
• 
• 
• 

1 / 5

Ti7-нің күштік құрылымы 156 ат күшіне ие 1.5 литрлік дәстүрлі қозғалтқышқа негізделген. Базалық көлік тек бір электромотор (272 а.к.) алса, қымбат нұсқасына 218 ат күшін беретін тағы бір мотор орнатады. Литий-темір-фосфатты батареяның екі түрі болады: 26.6 және 35.6 кВт⋅сағ. Біріншісімен автомобиль 100 шақырымға 6.3 литр отын жұмсап, 105 шақырым жүреді. Екіншісі жанармайды 0.1 литр артық тұтынғанмен, жүріс қоры 130 км-ге жетеді.

Алдын ала мәлімет бойынша FangChengBao Ti7 тек 2025 жылдың IV тоқсанында шығады. Бастапқы бағасы 300 мың юаньға жуықтайды (21.8 млн теңге) деген болжам бар.