Премиум бренд үлкен VX кроссоверінің жаңа нұсқасына тапсырыс қабылдай бастады. Басты ерекшеліктері — жаңа сырт келбеті мен жалпы қуаты 619 ат күшіне (920 Нм) тең үш қозғалтқыштан тұратын жаңа күштік құрылымы. Модельдің бастапқы бағасы 239 900 юань (16.5 млн теңге) болады және гибрид VX экспортқа шығады.
Exeed VX-тің жүксалғыш есігі жаңарып, жаңа жарық техникасын алды. Y тәрізді артқы шамдары жіңішке жарықдиодты жолақпен біріккен. Интерьері аса өзгермеді, алдыңғы панельдегі үш экранын сақтап қалды. Шетінде 12.3 дюймдік дисплейлер орналасқан, ал ортасында 15.6 дюймдік сенсорлы экран тұр.
Бренд автомобильді жеті және алты орынды модификацияда ұсынады. Соңғысының екінші қатардағы реттелетін орындықтары бөлек орналасқан, желдеткіш және массаж функцияларымен жабдықталған.
VX C-DM белгісі бар кроссовердің күштік құрылымы тізбекті параллель жүйе пайдаланады. Ол 156 ат күшіне ие 1.5 литрлік бензинді қозғалтқыш пен екі электрмотордан тұрады. Алдыңғысы 224 ат күшін (390 Нм), артқысы 238 ат күшін (310 Нм) береді. Жаңа модель алғашқы жүздікті 5 секундта еңсереді. Жүйе 34.5 кВт·сағ батареядан қуат алады, оның көмегімен Exeed VX электр қуатымыен 143 км жүріп өтеді, ал жалпы жүріс қоры — шамамен 1300 км. Қуаты таусылған батареямен кроссовер 100 шақырымға 7 литрден аз жанармай жұмсайды.
Алдағы уақытта осындай дизайн мен интерьерді дәстүрлі қозғалтқыш (261 а.к.), 8 сатылы автомат және толық жетек жүйесімен жабдықталған қарапайым Exeed VX те алуы мүмкін.
Комментариев: 0