Exeed төрт жаңа моделін таныстырды

Chery концерні құрамына кіретін Exeed бренді Қытайда Exeed Brand Night атты іс-шара өткізіп, төрт жаңа моделін таныстырды. Компания ES7 GT, ES8 универсалдары мен ET8, ET9 кроссоверлерін көрсетті. Жоспар бойынша олар нарыққа 10–20 айда шығады. Демек жаңа өнімдердің алғашқысы 2026 жылдың екінші жартысында саудаға түседі.

Кроссоверы и универсалы: Exeed представила сразу четыре новинки — Exeed ES7

Exeed ES7 GT моделі Exlantix ES седанының түрленімі саналады, бірақ одан шанақ типі және күштік құрылымымен ерекшеленеді. Универсал атауындағы GT әріптері динамикасынан хабар беріп тұр: ол алғашқы жүздікті 3 секундта еңсереді. ES7 GT 540 ат күшіне ие төрт моторлы гибрид күштік құрылыммен жүреді. Машина пневматикалық аспа және жылдам қуаттау жүйесімен жабдықталған.

1 / 4

Exeed ES8

1 / 4

Exeed ES8 сәл футуристік шанақ дизайнымен өзгеше көрінеді, техникалық сипаттамасына қатысты ақпарат аз. Ол 3.3 секундта жүзге дейін жылдамдық алады, күштік құрылымы толықтай электрлі. Марка болашақта бұл универсалға Chery-дің қатты денелі батареясын қояды, жүріс қоры 1000 шақырымға жетеді. Автомобильде бейімді амортизатор мен артқы дөңгелекті басқару мүмкіндігі де болады.

1 / 9

Exeed ET8

1 / 9

ET8 кроссоверін Exeed бұған дейін де көрсеткен, бірақ іс-шарада ол қырлы шанақ және айрықша жарық техникасы бар дизайнмен көзге түсті. Оның сериялық нұсқасы модельдің жаңа буыны ретінде жарық көруі де мүмкін. Ал үлкенірек ET9 екі жаққа ашылатын есігінің арқасында әлдеқайда футуристік сипат алды. Бұл кроссоверлер конвейерге 2027 жылы тұрады.

Қатты денелі батареядан бөлек, Exeed сегіз лидары бар үздік жартылай автономды басқару жүйесін ұсынады. Сондай-ақ бренд әйгілі «Ле-Мандағы 24 сағат» марафонына қатысуға дайындалып жатыр.

Комментариев: 0