Еуропада жасалған үш осьті Suzuki Jimny

Желіден 6 дөңгелекті Suzuki Jimny-дің рендерін көрген Ұлыбритания тұрғыны осы жобаны жүзеге асыруға бел буыпты. Бұл істі аса танымал емес Mocho Fabrication шеберханасына тапсырған.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Жоба 2019 жылы Жапонияда шыққан Jimny-ге негізделген. Автомобильдің артқы жағында жүк қоятын төбесі ашық бөлік бар, ол жетегі жоқ дөңгелек жұбымен жабдықталған. Осылайша екі есікті, төрт адам сыятын кабинасы бар кішкентай пикап пайда болды. Жол талғамайтын көліктің шанағы Audi Nardo Grey түсіне боялған, ол қара дөңгелек аркасы және бұдырлы шинамен тамаша үйлеседі.

1 / 5

• 
• 
• 
• 
• 

1 / 5

Машинаның салоны да өзгерді. Шеберлер орындық пен есік картының мата қаптамасын былғарыға ауыстырды. Дыбысы жақсы, Apple CarPlay-мен жұмыс істейтін Kenwood аудиожүйесін орнатты.

6 дөңгелекті «Джимни» 103 ат күшіне ие (134 Нм) 1.5 литрлік атмосфералы бензинді мотормен жүреді. Болашақ иесі Garrett турбокомпрессорын орнатып, күштік құрылым қуатын арттырса болады. Сонда қуаты 170 ат күші мен 270 Нм-ге жетеді.

Жол талғамайтын көліктің үш осінде де жетек бар деуге келмейді. Модель стандарт толық жетек жүйесін сақтап қалды, яғни момент тек алдыңғы төрт дөңгелекке беріледі.

6882 миль жол жүрген машинаның бағасы — 45 000 фунт.